October 02, 2014

சமீபத்திய செய்தி

கைதான தீவிரவாதி கடலூர் நீதிமன்றத்தில் ஆஜர்

terrorist_arrested
கைதான தீவிரவாதி அசரப் அலியை (இடமிருந்து 3ஆவது) கடலூர் நீதிமன்றத்தில் ஆஜர்படுத்த அழைத்து வந்த போலீஸார்.
கைதான தீவிரவாதி அசரப் அலியை (இடமிருந்து 3ஆவது) கடலூர் நீதிமன்றத்தில் ஆஜர்படுத்த அழைத்து வந்த போலீஸார்.
தொடர் குண்டு வெடிப்புச் சம்பவங்கள் தொடர்பாக, சிதம்பரம் அருகே கைது செய்யப்பட்ட இந்தியன் முகாஜிதீன் அமைப்பைச் சேர்ந்த முக்கிய தீவிரவாதி அசரப் அலி, கடலூர் நீதிமன்றத்தில் வெள்ளிக்கிழமை ஆஜர்படுத்தப்பட்டார். அவருக்கு அடைக்கலம் கொடுத்தது தொடர்பாக, 9 பேரிடம் போலீஸார் விசாரணை நடத்தினர்.
ராஜஸ்தான் மாநிலம் ஜோத்பூர் லைகன் மோகராவில் வசிக்கும் ஷபீர்அலி மகன் அசரப்அலி (39). இந்தியன் முகாஜிதீன் அமைப்பைச் சேர்ந்த இவர், ஜெய்ப்பூர், புணே, மும்பை, தில்லி ஆகிய இடங்களில் நிகழ்ந்த தொடர் குண்டுவெடிப்புச் சம்பவங்களில் போலீஸாரால் தேடப்பட்டு வந்த முக்கிய குற்றவாளியாவார். இந்த குண்டு வெடிப்புச் சம்பவங்கள் தொடர்பாக தேடப்பட்டு வந்த 5 பேரில், 4 பேர் ஏற்கெனவே கைது செய்யப்பட்டுள்ளனர். தலைமறைவான அசரப் அலியை மட்டும் போலீஸார் தீவிரமாக தேடி வந்தனர்.
பள்ளிவாசலில் கைது: இந்நிலையில் ராஜஸ்தான் மாநிலம் ஜெய்ப்பூர் போலீஸார், அசரப் அலியுடைய செல்போன் அழைப்புகளை ஆய்வு செய்ததில், அவர் கடலூர் மாவட்டம், சிதம்பரம் அருகே உள்ள பரங்கிப்பேட்டையில் பதுங்கி இருப்பது தெரிந்தது. இதையடுத்து ஜெய்ப்பூர் போலீஸார் அப்பகுதிக்கு சென்று அசரப் அலியை, கடலூர் மாவட்ட போலீஸார் உதவியுடன் வியாழக்கிழமை இரவு கைது செய்தனர்.
9 பேரைப் பிடித்து விசாரணை: பின்னர் பலத்த போலீஸ் பாதுகாப்புடன் அசரப் அலியை கடலூருக்கு அழைத்துச் சென்று விசாரணை மேற்கொண்டனர். அவர் தங்குவதற்கு அடைக்கலம் கொடுத்ததாக 9 பேரைப் பிடித்து போலீஸார் விசாரித்தனர். அசரப் அலி எவ்வளவு நாள் தங்கியிருந்துள்ளார்? அவருடன் கடலூர் மாவட்டத்தைச் சேர்ந்த வேறு யாருக்காவது தொடர்பு உண்டா என்ற கோணத்தில் விசாரணை நடைபெற்றது.
நீதிமன்றத்தில் ஆஜர்: இதனிடையே, தீவிரவாதி அசரப்அலி கடலூர் மாவட்ட தலைமை குற்றவியல் நடுவர் நீதிமன்றத்தில் நீதிபதி கிங்ஸ்லி கிறிஸ்டோபர் முன்னிலையில் வெள்ளிக்கிழமை ஆஜர்படுத்தப்பட்டார். அவரை 5 நாள்களுக்குள் ராஜஸ்தான் மாநிலம் ஜெய்ப்பூர் நீதிமன்றத்தில் ஆஜர்படுத்துமாறு நீதிபதி உத்தரவிட்டார். இதையடுத்து, அசரப் அலியை ராஜஸ்தான் போலீஸார் ஜெய்ப்பூர் அழைத்துச் சென்றனர்.

 

 

 

 

 

 

 

 

 

 

 

Leave a Reply

Press Ctrl+g to toggle between English and Tamil


நாள்காட்டி

October 2014
M T W T F S S
« Sep    
 12345
6789101112
13141516171819
20212223242526
2728293031  

கருத்து கணிப்பு

சென்னை உள்நாட்டு விமான நிலையத்த&

View Results

Loading ... Loading ...

வீடியோ தொகுப்பு